SOBRE A RÁDIO
लमजुङ हिमाल सूचना तथा सञ्चार सहकारी संस्था लिमिटेड, लमजुङ जिल्लामा क्रियाशील संचारकर्मी, सामुदायिक तथा आर्थिक विकास अभियन्ताहरुको साझा संस्था हो । यस संस्थाले आर्थिक, सामाजिक, साँस्कृतिक, राजनीतिक र नागरिक अधिकार रक्षाको लागि सूचना र संचारको माध्यमवाट नागरिकलाई सशक्तिकरण गर्ने कार्यमा सहयोग गर्दछ । हामी संचारकर्मी वा विकास अभियन्ता वनेर जिल्लाको दुर्गम भेगहरुमा पुगिरहँदा लमजुङका वासिन्दाले प्रश्न गर्दथे, हाम्रो आवाज सुनाउने हाम्रो रेडियो र हामीले पढ्न पाउने पत्रिका खोइ ? यो प्रश्नले हामीलाई विक्षिप्त बनायो । ग्रामीण भेगका आवाजहरु र गाउँमा भएगरेका विकास निर्माणका कार्यहरु हाम्रो आफ्नै आँखाले देख्न पायौँ । ग्रामीण भेगका आवाज विहीन आवाजहरुलाई आफ्नै आवाजमा आफ्नै घरदैलोमा गुञ्जाउने प्रयासमा जुट्यौँ हामी ।
